Manipur-a party pali in Congress thlawp dawn

Manipur-a political party pali- Janata Dal-Secular (JD-S), Trinamool Congress Manipur, Democratic Janata Party Manipur leh Manipur Samajwadi Party-te chuan Thawhlehni khan thuchhuah siamin Lok Sabha inthlanah Congress candidate pahnihte chu an thlawp dawn tih an sawi.

JDS-S President Manihar Goswami chuan state in buaina hrang hrang a tawhte an sawiho hnuah Congress party chiah chuan India ram leh democracy an humhim thei dawn nia an hriat thu a sawi a, chu chu an thlawp chhan pawh a nih thu an sawi bawk.

Congress an thlawp thu hi Manipur state Congress unit chief Gaikhangam, Chief Minister ṭum thum lai ni tawh Okram Ibobi bakah Congress hruaitu dangte awm laiin an puang a ni.