Meghalaya MRB Scam: CBI in a chhui chiang

Meghalaya Rural Bank-a sum cheng vaibel­chhe 14.34 tihchingpen chungchang chhui turin Central Bureau of Inves­tigation (CBI)-te chuan Shillong thleng tawhin chhuichian hna an thawh ṭan tawh thu an tarlang.

General Manager of Meghalaya Rural Bank (MRB), Shillong chuan March 27 khan CBI hnenah hian com­plaint thehlutin RBI leh NABARD in 2016 leh 2017-a circular an tihchhuah chungchangah thil felhlel deuh a awm nia a hriat thu a thlen a ni.

CBI hian Thawhlehni khan Shillong khawpuia hmun pariat - Mawlai, Mairang, Upper Shillong, Pynursula, Raid Laban, Lumparing leh Jaiaw Laitdom-ah te chhuichian hna hi an thawk nghal.

MRC Chief Vigilance Officer (CVO) in chhui­chianna a neih aṭangin commission leh omission chungchangah te, Loan pek chungchang- Cash Credit (CC), Housing Loan, General Credit Card, Small Business Term Loan, Small Busi­ness Cash Credit leh Small Business Finance Cash Credit chungchangahte Iewduh Branch-ah thil fel lo a awm tih hmuhchhuah a ni.

MRB CVO in inves­­tigation report a tih­chhuahah borrower 114 hming tihchhuah a ni a, heng mi 114-te loan account-ah hian sanction leh disburse cheng 14,33,65,080 a awm laiin Non Performing Asset-ah an chang leh daih a, loan-te hi rulh an ni ta lo a ni.

Hemi a nih avang hian mi pakua lakah FIR thehluh a ni a, heng zingah hian khatih hunlaia MRB general manager pawh kha a tel.