Congress vangin hmarchhakin ramdang aṭanga lo lut an tuar: PM Modi

Prime Minister Narendra Modi chu Inrinni khan Assam-ah Lok Sabha inthlan tur atan BJP tan campaign-in, 1970-a Congress sorkar policy vangin hmarchhak chuan ramdang mi lo lut an tuar ta tih a sawi.

Gohpur-a BJP rally-a thu a sawinaah Narendra Modi chuan ṭhalaite chuan kum upa zawkte chu engtin nge Congress in Assam an phatsan fo ṭhin tih zawt turin a chah. Assam mipuite chuan ramin a duh dan ni loa hna thawk ṭhinte an thlawp dawn em tia zawhna siamin, Congress chu ram hmasawnna ngaihsak loah a puh. Assam hmasawnna pawh an ngaipawimawh ang em tiin zawhna a siam zui bawk. 

Modi chuan April-May-a Lok Sabha inthlan awm turah mipuite thlawpna dil nghalin Congress chuan mipuite an bum reng laiin ‘Chowkidar’ chuan ram dang aṭanga dan loa lo lut, firfiakna leh eirukna te chu an do dawn a ni, a ti. Prime Minister chuan ramin a duh angin, Jan Sangh leh hruaitu langsar tak tak Atal Bihari Vajpayee-te khan Bangladesh chu zalenna an sualna kawngah an thlawp tih a sawi. 

An sorkar in hlawhtlinna an chan chunchang sawiin PM Modi chuan chowkidar chuan thingpui huana thawk-te tan ‘PM Shram Yogi Mandhan Yojana’ scheme an tlangzarh tih a sawi a, he scheme hnuaia awmte hi chuan kum 60 an tlin hnuah thla tin pension cheng 3,000 an dawng thei dawn tih a sawi bawk. 

BJP hian kumin inthlan atan hian ‘Main Bhi Chowkidar’ campaign an kalpui a ni.