Tripura MLA hlui lakah FIR thehlut

Tripura Left Front MLA hlui Partha Das chu Schedule Caste (SC)-te hamṭhatna dawn tur a lak ve avangin a lakah FIR thehluh a ni a, certificate lem siamin SC tana seat hauh bikna assembly-ah a ding niin an sawi.

Official-te chuan Director of SC Welfare department Ratan Biswas chuan West Agartala police station-ah Das lakah hian FIR a thehlut niin an sawi a ni.

FIR-ah hian MLA hlui Partha Das chu SC-te hamṭhatna dawn tur dawng ve ah puh niin, SC certificate lem a siam hmang hian 2008 leh 2013 khan MLA-ah a tling tih a inziak bawk.