Tawang-ah Airport siam thuai dawn: AP CM

Arunachal Pradesh Chief Minister Pema Khandu chuan China nen an inrina hmun, Tawang district-ah airport siam a nih thuai dawn thu sawiin,  Airport Autho­rity of India (AAI)-te pawhin airport siamna tur hmun an enfiah tawh tih a sawi.

CM Pema Khandu chuan airport din thar tur chu defence mai bakah civil mite tan pawh hman ṭangkai theih a nih dawn thu a sawi bawk.

Tawang-a Monpa community-ten Losar fes­tival an hmannaah telpuiin, CM Khandu hian Tawang chu khualzin te tlawh duhna hmun a nih avangin sorkar pawhin hmasawn tir a tum tih a sawi a ni.

Bazar hmun tihhma­sawnna tura concrete cement kawngpui siamna tur atan cheng vaibelchhe 25 sanction a nih thu a sawi bawk.