Congress awm lo se RS-ah CAB pawm a ni ang: Mukul Sangma

Meghalaya Chief Minister hlui Dr. Mukul Sangma chuan Ningani khan Congress leh a kaihhruai eptu pawlte chu awm lo se, Rajya Sabha-ah Citizenship (Amendment) Bill pawm a ni dawn niin a sawi.

Mukul Sangma chuan Congress kaihhruai eptute chuan na takin bill an dodal tih sawiin, rampumin Congress chu bill dodalna kawngah nghet takin an ding tih an hmu niin a sawi a ni. 

NDA leh NEDA-a BJP thawhpui party-te chu bei bawkin, mipuite hnenah CAB dodalna kawngah an thlawp thu sawi mah se BJP nen an thawkho reng tho niin a sawi bawk. 

Hmarchhak mipuite an thlawp tak tak a nih chuan BJP nen an thawk ho lo ang tia sawiin, Lok Sabha-a bill pawm a nih hnu pawh khan BJP an la thawhpui reng tho tih a sawi a ni.