Meghalaya: Garo Hills-ah mipuiin mi pahnih sawisa hlum

Zirtawpni liamta khan West Garo Hills-a Chanang­para thingtlang khuaah mi­puiin suamhmang nia ring­hlelin mi pathum an sawisa a, mi pahnih in nunna an chan.

Phulbari MLA SG Esmatur Mominin (Rahibul) chuan he thil thleng hi chhuizui a phut thu a sawi. Mi pathum an sawisak te hi sumdawng mi an ni tih tarlan a ni a, a damchhuak ber pawh hi a dinhmun a ṭha lo hle niin an sawi bawk.

Mipuiin an sawisakte hi Williamnagar sumdawng mi, Bita Rabha, Mikseng Marak leh Mokibul Akond-te an ni a, Aknond erawh hi chu a damchhuak a, damdawi-inah dah nghal a ni. 

Mominin chuan thil thleng chu an ngaih thutak thu sawiin, uluk taka chhui­zui a ngai tih a sawi. Police-te chuan chhui­zui se, a mawh­phurtu zawng chhuak ngei se a duh thu a sawi bawk. 

Garo Hills-a mi pahnih sawisatu mipui hi sang chuang zet an nih thu report ṭhenkhatah chuan tarlan a ni.