Zoologist ten AP-ah rul species thar hmuchhuak

Zoologist pahnih, Herpetologists Jayaditya Purkayastha of Help Earth, Guwahati leh Patrick David of Museum Natio­nal d’Histoire Naturelle, Paris-te chuan Aruna­chal Pradesh-ah rul species thar an hmuchhuak.

An rul hmuhchhuah hi tur nei lo niin 48mm-a sei-te an ni a, Crying Keelback (Hebius lacrima) tiin a hming an vuah a, animal taxonomy tana siam peer-reviewed journal ‘Zootaxa’-ah an thil hmuhchhuah hi an tarlang a ni.

Rul hmuhchhuah thar hi ‘jhum’ (shifting) cultivation kalpuina hmun, West Siang district-a Basar area-a awm ṭhin a nih thu sawiin, Purkayastha chuan 'lacrima' tih chu Latin ṭawng, ṭap tihna a nih thu a sawi. Rul mit hnuaiah hian mittui luanna ni awm tak, thil duma rang thla a awm avangin Crying Keelback tia a hming an vuah thu a sawi.

Basar-ah hian 2010-11 velah khan rul hi an hmu tawh niin a sawi bawk.