Assam state in martar zahna hlan CM Sonowal leh Biswa Sarma-ten ruang zawnpui

Jammu and Kashmir-a Pulwamna district-a Ningani liamta tlaia India sipai beih an nih ṭuma nunna chan zingah khan Assam mi  Maneswar Basumatary pawh telin, Inrinni khan vui fel a ni. 

Maneswar Basumatary hi an khua, Assam Baksa district-a Kolbari thing­tlang khuaah Inrinni khan vui a ni a, 98th CRPF battalion jawan tana hun hnuhnung hi Inrinni zan dar 9 vel khan hman a nih thu report-ah an tarlang.

Basumatary ruang hi India Air Force-te chuan Inrinni tlai dar 6.25 khan Borjhar Air Force station an thlenpui a, Assam Chief Minister Sarbananda Sonowal, Chief Minister hlui Tarun Gogoi, State Finance Minister Himanta Biswa Sarma, Transport Minister Chandra Mohan Patiwary, Assam Pradesh Congress president Ripun Bora leh politician dangte bakah, DGP Kuladhar Saikia, Commissioner of Police Deepak Kumar leh Air Force Official-te leh CRPF official-te chuan zahna an hlan a ni.

CM Sonowal leh state finance minister Himanta Biswa Sarma-te chuan martar  ruang hi an zawn ve hial a, an khua an panpui dawnin a kuang hi helicopter thleng an zawnpui.

An khua a thlen hian mi sang chuangin lo hmuakin, zahna an hlan. Basumatary ruang hi a fapa in a hal a ni.