Umsawli-ah Shillong Medical College sa dawn

Meghalaya sor­kar chuan New Shillong Township-a Maw­diangdiang bul, Umsawli-ah Shillong Medical College a sa dawn. He project thawk tur hian Kolkata based company, KPC group nen a thu­phungin inremna an siam tawh a ni. 

Medical college sakna tur lungphum hi Shillong-a Reid Chest TB hospital compound chhungah an lo phum tawh a ni. He project thawhna atan hian TB hospital hi Umsawli-a building thara sawn tura tih a ni tawh bawk. 

Health minister AL Hek chuan KCP group nen hian July 15-ah meeting neiin, thutlukna an siam dawn tih a sawi. 

Kum 2012 khan state sorkar chuan Shillong-a khum 500 awm theihna hospital-cum-medical college siamna tur hian KPC group nen Memorandum of Understanding (MoU) an lo ziak tawh a ni. Minister chuan Umsawli-a medical college sak tumna chu acre 17-a zau a nih thu a sawi a, mahse acre 20 mamawh a nih vangin urban department hnenah an ram acre 5-a zau pek belh tura an ngen thu a sawi a ni.