Hmarchhak budget 21% in tisang: ICC

Indian Chamber of Commerce (ICC) chuan Zirtawpni liamta khan interim Union Budget pharh takah chuan hmarchhak budget nasa taka tihpun a ni thu an sawi.

ICC director general Rajeev Singh chuan hmarchhak budget chu budget an semnaah 21% laiin an tipung tih sawiin inland waterways and connectivity lama hmasawnna a awm theihna an tinzawn vang a nih thu a sawi bawk.

Rajeev Singh chuan India hmun kilkhawr zawkah te universal ele­c­trification leh digital connectivity lamah nasa taka hmalak tum a nih thu leh hmarchhak chu hmalakna hmunpui tur a nih thu a sawi a ni.

ICC chuan agri leh allied sector-te chu an pawm em em reng tih sawiin,  interim budget 2019-20 chuan Pradhan Mantri Kisan Samman Nidhi chu December 1, 2018 aṭanga hman ṭan tura a puan nghal thu a sawi. He scheme hi hmarchhaka loneitute tana chhawr ṭangkai tur tak a nih thu a sawi bawk.

Loneitu, ram hectre hnih chin neite chu kum khatah cheng 6000 tal pek an nih dawn thu leh hei hian an mamawh ṭhenkhat a phuhruk an beisei thu a sawi.

Micro, Small and Medium Industry (MSME) chungchang pawh sawiin hmarchhaka MSME chu chak zawka thuamchak tum a nih thu a sawi bawk.

Hmarchhak state-a Myanmar, Bangladesh, China leh Nepal ramri-a awm thingtlang khuate chuan technology tih­changtlunna lama hma­sawnna awm tur chu an chhawr hle dawn tih a sawi bawk a ni.