Rampuma Hindu Mahasabha dodalna NPCC in zawm

Nagaland Pradesh Congress Committee (NPCC) chuan Thawhṭanni khan Dimapur-a district headquarters-ah press conference neiin inthlan awm tura chungchanga puanchhuah ngaite an puang. Hemi bakah hian an party in rampuma Hindu Mahasabha national secretary Pooja S. Pandey-an Aligarh, UP-a January 31-a Mahatma Gandhi thihcham vawi 71-na lawmna a buatsaih an dodalna chu an zawm ve thu an sawi.

NPCC office office kawtah hian Congress worker-te chu pungkhawmin placard-te an keng a, an placard kenah chuan Mahatma Gandhi idea-te a la hman tlak reng thu te, Mahatma Gandhi thattu chawimawitu hrem phutna leh Akhil Bharat Hindu Mahasabha chetdan demna thuziak te an keng a ni.

NPCC president K Therie chuan Hindu Mahasabha national secretary Pooja S. Pandey chetdan chu an dem thu sawiin Mahatma Gandhi chu a thil tihsual vang ni lo in sakhaw zalenna, muanna leh inunauna auchhuahpuitu, sakhuana leh hnam emaw, vun rawng emaw vanga danglam lo kan nih hretu a nih vanga thah a nih thu a sawi.

An dodalna hmang chuan NPCC chuan rampum hnenah Hindutva an pawm dawn lo tih hriattir an duh thu leh Gandhi-a thah a nih chu an dem thu hria se an duh thu a sawi a ni.