Guwahati Railway Station-ah Puak thei thil tam tham tak hmu

Government of Rail­way Police (GRP)-te chuan, Thawhṭanni khan  Guwahati Railway station-ah puakthei thil tam tham tak an hmu chhuak. 

GRP-te hian an thu­dawn bawhzuiin Guwa­hati Railway station hi an dap a, 440 gelatin packet 22, detonator 700 packet sarih-a pack thlap leh fuse wire bundle thum an man a ni.

Platform No. 3-ah heng puak thei thilte hi hmuh a nih thu sawiin thuchiang erawh tarlan a la ni lo thung.

Hetihlai hian Thawhṭanni vek khan Guwahati pan bus-ah mi pakhat grenade bomb pai man a nih thu tarlan a ni bawk.

Assam police leh Bor­der Security Force (BSF)-te chuan beihpui thlakin Golaghat district-a Bo­kakhat-a grenade pai mi pakhat an man thu an sawi a, grenade pahnih an man thu leh revolver pawh an man tel thu an sawi. 

An mi man hi Dimapur aṭanga Guwahati pan niin, tunge a ni tih pawh an hriat nghal thu an sawi. Bagori Police Station-ah thu zawhfiah turin an hreng nghal bawk.