Meghalaya-ah Mawlai bypass leh Police OP thar

Meghalaya khawpui Shillong mipuiten an nghahhlelh, Shillong traffic tawt lutuk tiziaawm thei tura beisei Mawlai by-pass chu Inrinni khan chief minister Conrad K Sangma chuan a hawng.

Conrad K Sangma hian Inrinni-ah vek khan Mawkynroh Police Out­post thar pawh a hawng bawk. Chief minister Sangma chuan, Bypass thar hawn hmang chuan Shillong khawpui traffic tawt lutuk chu a ziaawm phah ngei dawn tih sawiin; hemi atana ram petute hnena a lawm thu a sawi. Hetiang project-ah hi chuan mi hrang hrang, department leh political party hrang hrangten hma an la ṭheuh a, mahse mawhphurtu zawng zawngte an ṭanrual chauhin a hlawhtling thei a ni, a ti. 

Khualzin lo kalte pawh ṭha taka lo lawm turin mipuite a chah nghal a ni. Mawkynroh Police Outpost pawh mipuiten ṭangkai taka an hman tur a ni tih a sawi. Chief minister hian Bypass a hawn zawh hian kawngpui hmang hmasa tur atan Traffic Police Bike 14 a vai liam nghal. He hunah hian minister leh mi pawimawh tak tak eng emaw zat an tel bawk a ni.