Tripura-in 'Cultural Hub' din dawn

Tripura sorkar chuan hmarchhak state-te inkara inpumkhatna siamna turin cheng vaibelchhe 200 sengin 'Cultural Hub' din a tum. 

CM Biplab Kumar Deb chuan hmar­chhak state-a hnam hrang hrangte culture leh tradition chawilar a, inpumkhatna ṭha siamna turin state sorkar chuan 'Cultural Hub' a din dawn thu a sawi. 

Kum 2019-20 finan­cial year chhungin state chhung hmun hrang hrangah tribal leh non-tribal cultural event ṭum 410 zet buatsaih a ni tawh tih CM chuan a sawi. Tripura culture hausa tak chhawm nun zelna turin Agartala-ah national academy of fine arts, Lalit Kala Akademi din a nih thu a sawi bawk. 

State information and cultural affairs depart­ment chuan sorkar hnenah 'Cultural Hub' dinna tur rawtna hi thehluh a ni tawh tih a sawi. He hub dinna turah hian union ministry of culture hnuaia Kolkata-a Eastern Zonal Cultural Centre leh Dimapur-a North Eastern Zonal Cultural Centre puihnate an dil dawn tih department official chuan a sawi.