Robotex Asia Sikkim-a PNGSSS zirlaite kal dawn
China-a Shanghai a August 16-19 chhunga neih tur, Robotex Asia-ah India aiawhin Sikkim-a Paljor Namgyal Girls Senior Secondary School (PNGSSS) zirlaite an kal dawn.
PNGSSS team-ah hian mi pathum an awm a, an vai hian Class XII zirlai an ni. Anni vek hian Europe-a Tallinn, Estonia-a November-a neih tur Robotex International-ah pawh India ai an awh ang.
An mentor leh coach ni bawk, physics department head Ivan D Lepcha chuan International arena-a Sikkim zirlai community zawng zawng ai an awh thei tur chu alawmawm a tih thu a sawi.
July 27 leh 28 khan Ahmedabad-ah Robotex National hi neih a ni a, hetah hian PNGSSS zirlaite hi pakhatna niin, Robotex Asia leh Robotex International-a Sikkim aiawh tur hian thlan an ni ta a ni.