Sikkim-ah child empowerment centre hmasa ber hawng

Sikkim chief minister Prem Singh Tamang chuan Thawhṭanni khan India rama child empowerment centre hmasa ber chu Poklok, Denchung-ah a hawng. 

He centre hi social justice and welfare department-in Intergrated Child Protection Scheme hnuaia a din a ni. Centre siamna senso hi sorkar laipuiin Ministry of Panchayati Raj-a Rashtriya Gram Swaraj Abhiyan (RGSA) hnuaiah a tum sak a ni. 

Child em­powerment centre hawn tak hi India rama a hmasa ber niin, naupang dikna chanvo humhalh chu a tum ber a ni a, centre kaltang hian naupangte chu an ngaihdante sawichhuak ngam tura fuih chak tum a ni. Hei bakah zirna pawh pek an ni bawk ang.