BJP-in AP-ah China laka lungawi lohna lantir

Arunachal Pradesh-a BJP member-te chuan Upper Subansiri district ram china China lam an lut leh, ramri-a building an sak duh lohna an lantir a, China president Xi Jinping lim an hal. 

State BJP thupuangtu, Techi Necha chuan China hian Arunachal Pradesh hi a ram chin nia chhalin, an rawn lut fo tih a sawi. "China lam chet dan hi kan dem a, India mi dik tak kan ni tih hi hriattir kan duh a ni," a ti. Central-a Congress sorkar lai khan Arunachal Pradesh-a border area-a te chu an humhalh ṭha tawk lo a, tihhmasawn pawh an tum lo niin a puh zui bawk. 

Hetih lai hian BJP MP Tapir Goa-an Parliament-ah China lamin AP ram chinah khua an rawn din nia a sawi chu tuna central-a sorkarna chang mek, BJP sorkarin a ngaihven tawk lo nia sawi chungchangah BJP thlavang hi a hauh zui a, sorkar laipui hi an ngaihthah ni loin, hotu sang lamah eng emaw harsatna a awm avangin hma a la zui hrih lo mai niin a sawi thung.