Meghalaya home minister bang turin phut

Meghalaya BJP chuan state home minister Lahkmen Rymbui chu dan loa lungalhthei  khur siamtute dang zo loah puhin, minister a nihna aṭanga bang turin an phut. Hei bakah hian East Jainti Hills-a Rymbai Elaka-a lungalhthei khura hnathawktu paruk thih dan chu chhui chian an phut bawk. 

State BJP presidnet Ernest Mawrie chuan state home minister chuan dan loa lungalhthei laihchhuah a la nih reng  chungchangah mawhphurhna la a, bang tura an phut thu a sawi. Sorkar chuan Assembly-ah state chhunga dan loa lungalhthei  khur siam leh phurhchhuah a awm lo nia sawiin, MLA-te rilru a hruaikawi sak a ni, a ti. Mahse thil dik loa tih a awm ngei tih chu rat hole mine-a nunna hlu tak paruk chan a nih hian a rawn tilang a ni, tiin a sawi. 

RTI activist leh civil society leader, Anges Kharshiing pahwin Rymbai Elaska-a lungalhthei khura thawktu paruk thihna thleng chuan an state-a dan loa lungalhthei  khur siam a la hluar zel tih a tilang chiang hle nia sawiin, sorkar chuan hei hi  thup a tum tlat niin a sawi ve bawk.