Nagaland University-in zirtirtute thiamna tehna tur hmanrua siam chhuak

Nagaland University-a researcher-te chuan, zirtirtu trainee-te mitin huap zirna an hriatthiam dan tehna tur item 50 an siam chhuak. Hemi hmang hian zirtirtu inbuatsaihna kawnga harsatna awmte hriatchhuah leh, zirlaite mamawh hrang hrang zirtirna tura classroom kalphung tihchak tum a ni.

He thil hi National Education Policy (NEP) 2020-a hmalakna pawimawh tak zinga mi a ni a, zirlaite chu an theihna leh dinhmun thliar loin, a huhoa lehkha an zir theihna tur classroom, mitin huap zirna siam tura zirtirtute buatsaihna a ni bawk. Researcher-te chuan zirtirtute thiamna tehna hmanrua awmsate chuan an rilru put hmang leh classroom an enkawlnaa inrintawkna lam a ngai pawimawh a, hetih lai hian mitin huap zirna, practice leh policy chungchanga an thiamna tehna erawh a tlem hle tih an sawi.

Hmanraw thar siam hmang hian heng harsatna awmte sutkian tum a ni a, zirtirtute an mamawhna zawna puihna tur a ni bawk. Naupang zirna lama ngaihven zual mamawh bikte tana zirntirna pek kawngah a pui bawk dawn a ni. He hmanrua hi Nagaland University-a B.Ed. Course-10, 'Creating an Inclusive School' tih thupui behchhana siam a ni.