JK Lakshmi Cement-in Assam Plant Project kalpui dawn

JK Lakshmi Cement chuan Assam-a cement siamna hmun hmasa ber tur Project Kamakshi lungphum a phum a, hei hi India hmarchhak biala project an kalpuina hmasa ber tur a ni. Lungphum phumna hun hman hi Dima Hasao district-a Umrangso khuaah neih niin, state chief minister Himanta Biswa Sarma-a'n a telpui.

Project thawhna atan Rs tld 110 ruahman a ni a, kum khat chhungin cement ton mtd 2.5 leh, clinkerisation unit ton mtd 1 a siam chhuak thei dawn a, kum 2029-ah peihfel hman tum a ni. Facility hian hnathawh tur 2,000 chuang a siam theih beisei a ni bawk. Project-ah hian raw material leh cement siam zawh tawh phurh chhuahna tur siam a ni dawn a, supply chain rintlak leh pek chhuah kawngah a pui thei dawn a ni.

Chairperson leh managing director, Vinita Singhania chuan project hi Assam leh hmarchhak bial nena hun rei tak chhung thawh hona tur bul ṭanna a nih thu a sawi. He plant hian tualchhunga cement siam chhuah, hnathawh tur leh supply rintlak a siamsak dawn tih sawiin, infrastructure tihhmasawnna a nih rualin, mipui chhawr ṭangkai theih tura ruahman a nih thu a sawi. Company chuan project hian economy tihhmasawn leh infrastructure ṭhanlenna atan a thawhhlawk an beisei tih an tarlang bawk.