Assam: Guwahati-ah medical cyclotron facility din dawn

Assam-a Guwahati-ah hmarchhak biala a hmasa ber tur, private medical cyclotron din a ni dawn. Nucleomed Cyclotron Facility-a cyclotron vault lungphum chu Pathianni khan Bonda-a AIDC Industrial Estate-ah Belgium-a Ion Beam Applications (IBA) CEO leh vice-chairman Olivier Legrain chuan phum a ni. Facility hi ramchhunga 14 a awmna tur a ni.

Medical cyclotron chu khawl, PET leh SPECT scans anga natna hriat chhuahna leh cancer enkawlna tur radiation siam atana hman tur siam chhuahna atana hman a ni.

Thuthar lakhawmtute a kawmnaah, Nucleomed Private Limited director, Dr Kandarpa Saikia chuan MeV 18 cyclotron chuan F-18 FDG curie 30 a siam chhuak thei dawn a, hmarchhak bial leh ramchhung hmun hrang hranga PET-CT centre-te mamawh a phuhru thei dawn tih a sawi. Hei bakah cancer natna enkawlna tur ultra-short half-life isotope a siam chhuak dawn bawk. Facility huam chhungah hian cancer leh natna dang veite tan theranostics facility din a ni bawk ang.

Project hi Rs vbc 62 senna tura ruahman a ni a, nikum November thlaa Advantage Assam 2.0 neihah pawm a ni. Piling work chu zawh fel tawh niin, vault din hna hi thawh ṭan tawh niin, kum 2027 September thlaah peihfel hman tura ruahman a ni. Dr Saikia chuan cyclotron siam chhuah chu Southeast Asia ram hrang hranga thawh chhuah a nih theihna turin, Assam-a thlawhtheihna leh infrastructure thuam chak a pawimawh thu a sawi.