Manipur: Kuki ṭhalai 2 rukbo vangin shutdown puang

Manipur-a Committee on Tribal Unity (COTU) chuan, Kuki ṭhalai pahnih rukbo an nih duh loh lantirna atan Kangpokpi district-ah darkar 48 chhung shutdown an puang. COTU shutdown hi Ningani tlai dar 5 aṭanga ṭan niin, vawiin October 31 tlai dar 5 thleng a awh ang. Shutdown hun chhung hian dawr, bazarna hmun, lirthei, sikul leh office-te khar a ni a, medical service, media leh security force-te a huam lo thung.