Nagaland: Zuk leh hmuam awm lohna siam turin ni 60 campaign kalpui dawn

Nagaland-a National Tobacco Control Programme (NTCP) hnuaia State Tobacco Control Cell (STCC) chuan Nilaini khan Tobacco-Free Youth Campaign (TFYC 4.0) chu Kohima-a Nagaland Institute of Allied and Healthcare-ah khuh hawngin, he campaign hmang hian state puma ṭhalaite zuk leh hmuam ti lo tura hma lak tum a ni.

Khuallian, Health and Family Welfare director, Dr Imotemsu chuan official-te chu ni 60 chhung chu zuk leh hmuam do kawnga hmalakna chak zawka kalpui tur leh, district hrang hrangte thawh hona thuam chak turin a chah. Hei bakah campaign hmasawn dante thlithlai a, hmalakna chuan rah ṭha a chhuah a, campaign hn ulam zelah pawh zuk leh hmuam hluar tur a ven theih a beisei thu a sawi.

NTCP-a state nodal officer Simon Sumi chuan campaign thil tum pawimawh sawilangin, zuk leh hmuamin hriselna a nghawng dante a sawi bawk. Campaign chhung hian zuk leh hmuam ṭhat lohzia inzirtirna, zuk leh hmuam awm lohna zirna hmun siam, zuk leh hmuam chungchanga dan felfai tak siam, social media hman ṭangkai leh university leh college-te an tel tam theihna buatsaih te a tum a ni. Khawtlang leh zirna inte zuk leh hmuam do kawnga nasa zawka thawk tura fuih a tum a ni.