Manipur: Congress-in CM ban phut

Congress party chuan nimin Pathianni khan Manipur chief minister Yumnam Khemchand Singh chu a rang thei ang bera bang turin an phut a, state Assembly ṭhiah bakah inthlan ṭhatna neih an phut bawk. State chhungah buaina leh tharum thawhna a chhuah chhunzawm zel avangin remna leh muanna siamṭha tura hmalak a ngai a ni, an ti.

Manipur Congress in-charge leh MP Saptagiri Ulaka chuan civil mite venhimna khauh zawk pek a phut a, civil mite thahna, silaia inkahna, chenna in hal bakah civil mite bungrua tihchhiat thleng ṭhinah hun tiam chhunga pawikhawihtute chhui leh thubuai siamsak a ngen.

Ulaka chuan October 23 khan pawikhawihna thleng chungchangah district pangaah mi sang telin lungawi lohna an lantir a, Lok Bhavan panin kawng an zawh tih a sawi. Mahse, kawngzawhte hi police-ten lo dangin, hnawh darh nan tear gas-te an hmang a ni, a ti. Kumin October 19 khan Meitei civil mi pathum chu ramhnuaia thing an laknaah thah an a, midang eng emaw zat an hliam bawk a ni. Mipui lungawi lo chuan ruang pathum chu Chief Minister chenna inah an kalpui thu leh, rorelna dik an phut tih Ulaka chuan a tarlang bawk. Buaina hi Kamjong-ah pawh chhuakin, Kuki leh Naga civil mite thah an ni bawkk a, state puma buaina chhuakin ziaawm lam a pan thei loa, sorkar laipui leh state sorkarin mawh an phur tur a ni, a ti.