Meghalaya CM-in khawizu sawngbawlna hmun hawng; Bee Musuem leh Interpration Centre din tum

Meghalaya chief minister Conrad K. Sangma chuan, South Garo Hills district-a Rerapara-a Mellim-ah khawizu sawngbawlna hmun, Apiculture Multi-Facility Centre-cum-Processing Unit a hawng. Meghalaya khawizu pholanna tur, Bee Museum and Interpretation Centre din tum a nih thu a sawi bawk.

Apiculture Multi-Facility Centre-cum-Processing Unit hi Rs vbc 1.52 senga sak a ni a; khawizu siam chhuah, a dahna, enchhinna, zawrh chhuahna leh bee-box siam chhuah tihchakna tur a nih thu CM Sangma chuan a sawi.

Sangma chuan Meghalaya khawizu chuan khawvel pum market-a zawrh chhuah theih turin theihna a nei tih sawiin; scientific beekeeping, quality processing, packaging leh branding-te chu state-a khawizu in market zau zawk a thlen theihna tura thil pawimawh tak a nih thu Chief Minister chuan a sawi bawk. Apiculture Mission 2.0 hnuaiah state sorkar chuan Meghalaya district 12-a cluster 87-ah khuai khawitu mi 6,491 puihbawmna a pe mek a ni.

Chief Minister chuan khuai khawi hmangin thingtlang lama sumdawnna ngelnghet tak siam, sum lak luhna leh eizawnna tihchak tum a ni a, hemi rual hian Meghalaya khawizu chu ramchhung leh ram pawn market-a zawrh chhuahna tihhmasawn tum a nih thu a tarlang bawk.