Sikkim: SGAY hnuaiah chhungkaw 50 chenna in tur pe dawn

Sikkim-a Namchi district-a chhungkaw khawsak harsa 50-te chu Dasain lawmna neih mek chhungin, Sikkim Garib Awas Yojana (SGAY) hnuaiah chenna in tur pek an ni dawn a, tunkarah hlanna hun neih hman beisei a nih thu official-te chuan an sawi.

Yangang-a Block Administrative Centre (BAC) chuan chenna in sak thar hawnna leh, chabi pek chhuahna tur programme a buatsaih dawn a ni. He hmalakna hmang hian chhungkaw khawsak harsate chenna tur nghet siamsak bakah, an khawsak phung chawikan a nih theih a beisei thu tualchhung MLA leh Sikkim Legislative Assembly deputy ppeaker, Raj Kumari Thapa chuan a sawi. Thapa chuan he thilpek hi hun rei tak chhung chenna tur ngelnghet nei lo chhungkuate tana hmasawnna pawimawh tak a nih tur thu a sawi a ni.

Thapa chuan he scheme hi sorkarin mipui hamṭhatna leh, tualchhung community thuam chakna tura a hma lakna a nih thu leh, chief minister Prem Singh Tamanga chu he hmalakna kaihruaitu a nih thu a sawi bawk. Pathianni khan Sikkim Aama Sashaktikaran Yojana, Aama Yojana hnuaia hamṭhatna dawngtu 14-te chu instalment hmasa ber Rs 20,000 pek nghal an ni bawk.