Meghalaya: Assam khualzin phur motor-te tan parking lot 2 siam

Meghalaya sorkar chuan Shillong-ah Assam khualzin phur motor-ten parking lama thliarhranna an tawh ṭhin avangin parking facility pahnih a siam. Transport deputy chief minister in charge Sniawbhalang Dhar chuan he thu hi Transport department official-te nen meeting an neih zawhah Nilaini khan a puang a ni.

Dhar chuan Secretariat, Ward's Lake leh Pinewood Hotel bulhnai kawngah khualzin phur lirtheiten parking lamah harsatna an tawh thu complaint nasa takin a pung tih Dhar chuan a sawi. He ruahmanna thar hnuaiah hian khualzin phur lirtheite chuan Keating Road-a Meghalaya Urban Development Authority (MUDA) parking complex-ah an lirthei an dah thei dawn a, Shillong Regional Transport Government Terminal (SRGT)-ah bus 10 aṭanga 20 a dah theih bawk ang.

He ruahmanna hi Assam cabinet minister, Atul Bora-a'n Meghalaya sorkar hnena ngenna a siam hnuah tihfel a ni. Dhar chuan he parking facility pahnihte hian bus bakah lirthei te zawkte kawng sira lirthei an dah a ngaih ṭhin a titawp dawn tih a sawi. Deputy Chief Minister chuan lirtheite chu Secretariat emaw Khyndailad-ah parking-na hmun an thlen hmain an passenger-te an dah thei dawn tih a sawi.