Arunachal: CM-in Siang project chungchangah Adi group hmu dawn

Arunachal Pradesh chief minister Pema Khandu chuan, October 13 hian ABK Youth Wing (ABKYW) aiawhte leh, Adi Students' Union (AdiSU Apex) chu Siang Upper Multipurpose Project (SUMP) chungchangah inbiakna a neihpui dawn. Chief Minister Office-in Zirtawpnia thuchhuah a siamah, meeting hi Khandu-a office, Itanagar-a Niti Vihar-ah neih a ni ang.

October 3 khan Pasighat Press Club-a pawl pahnihte hian joint press conference an buatsaihah mega project din tum chungchangah an lungawi loh thu sawiin, project hi thawh a nih hmain thil eng emaw zat ngaihtuah hmasak a ṭul thu an sawi. Siang luia multipurpose project ruahman hian state-a hydropower siam chhuahna, tui enkawl dan leh an inpuahchah danah nghawng lian tak a nei a tih an tarlang. Project hian ram, eizawnna, chenna leh boruak a nghawng thei dawn nia an hriat avangin khaw mipui leh tualchhung mi ṭhenkhatten an dodal bawk.

Adi khaw mipui zinga section hrang hrangte chuan project chungchang sawi hona an neih chhunzawm zel hnuah, tualchhung stakeholder-te nen inbiakna neih a pawimawh tih an sawi. HOctober 13-a meeting an neih turah hian pawl pahnihte chuan an ngaihdan Chief Minister hnena thlen theihna hun remchang an nei thei dawn a, project ruahman a nih dante pawh chiang zawka hriattirna an dawn theih beisei a ni tih official-te chuan an sawi. Chief Minister Office chuan ABKYW leh AdiSU Apex President-te chu an aiawhte nen meeting-a tel tur hian a hriattir tawh a ni.