Nagaland: Minister-in ramsa pel ṭhin tihtawp phut

Nagaland forest, environment & climate change minister, CL John chuan ramsa pel ṭhin tihtawp a phut thu leh, humhalh kawnga hma lak a pawimawh thu a sawi. Thawhlehnia Mokokchung-a Wildlife Week observation program-a thu a sawiah, John chuan Naga-te chuan Kristianna a thlen hnuah, mi lu lak tihtawp a ni a, mahse tun thlengin ramsa pelh an la ni reng tih official report chuan a tarlang.

Kumtina neih ṭhin Wildlife Week hi October 2-8 thleng neih a ni a, ramsate humhalh chungchanga inzirtirna hun pawimawh tak a ni. Kumin hian 'Connecting Habitats, Thriving Wildlife' tih thupui hmanga buatsaih a ni. Ramsate humhalh leh venhim chu mitin mawhphurhna a ni tih John chuan a sawi. Peren district-a khaw pahnih leh Mon district-a khaw 141-ten ramsa humhalh kawnga hma an lak avangin lawmthu a sawi a, kum eng emaw zat liam ta khan heng khaw mite hian nungchate that lo leh thing kit lo turin hma an la tawh tih a sawi a, ramsa humhalhtu leh venghimtu an ni ta a ni, a ti.

Khaw hrang hranga kohhran hruaitu, zirtirtute leh khawtlang mipuite chu hma la turin a ngen a, an bial ṭheuhah Wildlife Protection Act chungchangah mipuite zirtirna pe turin a ngen bawk. Khawtlang mipuite chu he hmalakna thlawp tur leh, village council, kum upate leh zirlaite chu nungcha humhalh kawnga ke pen chhuak turin a ngen a ni.