Sikkim: Sivok-Rangpo rel kawng project 75% thawk tawh

Sikkim khawpui Gangtok-a rel network project thawh tura ruahman, Rangpo leh Gangtok inkalpawhna tur km 34-a thui chu thawh ṭan thuai tura tih a ni. Project senso atan hian Rs vbc 9,000 ruahman a ni.

Rangpo-Gangtok rel kawng hi Sivok-Rangpo, Darjeeling-a Sivok bakah East Sikkim-a Rangpo project thawh zawh a nih huna rel network tih zauhna tur a ni. Sivok-Rangpo project hi 75% thawh zawh tawh a ni a, kawngah hian tunnel 14 awm bakah leh lei 13 dawh a ni bawk a ni.

He project hi Integrated Multimodal Network Planning Group (NPG), PM GatiShakti National Master Plan hnuaia multi-modal evaluation body hnuaia awm an ni. Hunrei tak tihkhawtlai tawh Sivok-Rangpi rel project hi nakkum December thlaa thawh zawh tura ruahman a ni. Km 44.5 a thui Sivok-Rangpo rel kawng hi Rs vbc 17,124 senga thawh a ni a, Sikkim-in a vawi khatna atana direct-a rela inkalpawhna an neihna tur a ni bawk.

Project hi a hmun hmain a zir loh avangin hun eng emaw chen tihkhawtlai a ni a, tunnel leh lei eng emaw zat dawh hmasak phawt a ni. Sivok-Rangpo rel kawng leh, Rangpo-Gangtok hi zawh fel a nih hunah chuan, helai biala chengten state khawpui an kalpawh theihna tur a ni. Sivok-Rangpo rel kawng hi hman ṭan a nih hunah, harsatna awm loin Rangpo-Gangtok rel kawng siam hna thawh ṭan a ni dawn tih official-te chuan an sawi.