CM Relief Fund atan special tea auction neih a ni: Assam CM

Assam chief minister Himanta Biswa Sarma chuan, nimin October 5 khan Chief Minister’s Relief Fund tihpunna turin Guwahati-ah special tea auction buatsaih a nih thu a sawi a, he hunah hian tea producer-te leh buyer-te an kal khawm a ni. Guwahati-a thu a sawiah Sarma chuan, he auction hian tea industry-a stakeholder-ten hmasawnna zau zawk an neih theihna hun remchang a siamsak a ni, a ti.

Chief Minister chuan CM Relief Fund-a sum tling khawm tihpunna turin, special tea auction-a tel zawng zawngte chungah lawmthu a sawi. He hmalakna hi state-in hun rei tak chhung tea economy a lo kalpuina tawhna hnuaiah neih a ni a, Guwahati Tea Auction Centre (GTAC) chu Assam leh hmarchhak bial hmun danga thingpuife siamchhuahna hmun pawimawh tak a ni.

Auction centre-ah hian thingpuife thar chhuaktu, broker leh buyer-te an kal khawm a, state chhung mai bakah market zau zawk a thlen theih dan tur kawng a kawh hmuh bawk a ni. Buyer, broker leh warehouse za chuang chu auction ecosystem-ah hian an tel.

State pumah thingpuife hi a bikin thingtlang lama chengten eizawnna atana an hman nasat ber pawl a ni. Thingpuife huan, a siam chhuahna, hralh chhuah leh transportation-a hnathawk chhungkua tam tak an awm. State sorkar chuan he sector thuam chakna tur hian kaihhruaina hrang hrang a tichhuak bawk a, Assam tea Industries Special Incentives Scheme pawh September thla aṭang khan kalpui leh a ni bawk. Tea economy tihhmasawnna tura pawimawh, inkalpawhna tihchangtlunna turin sorkar laipui chuan Guwahati-Tezpur Corridor siam a tum bawk.