Assam: Veterinary service thuam chak dawn

Assam sorkar chuan state puma veterinary service thuam chakna turin veterinary doctor 130 leh, livestock field assistant 200 a la dawn tih Animal Husbandry, Veterinary and Fisheries minister leh Bajali district guardian minister, Nilima Devi chuan a sawi.

Minister chuan he thu hi Bajali district-a hmasawnna hnathawh leh, sorkar scheme kalpui dan chungchang review meeting neih zawha thuthar lakhawmtute a kawmnaah a sawi. Meeting hi DC Madhumita Bhagawati kaihhruainain Bajali District Commissioner office-ah neih a ni a, district-a hmasawnna hnathawh endik a nih bakah, animal husbandry and fisheries sector hmasawnnate sawi ho a ni.

Hei bakah infrastructure hmasawnna kimchang, mipuiin harsatna leh lungawi lohna an neihte ngaihtuah hoin, welfare scheme hlawhtling taka kalpui leh hmasawnna hnathawh mekte endik a ni bawk. Minister chuan sorkarin rawtna a siam chuan veterinary service a thuam chak dawn a, ran vulhtuten an chhawr ṭangkai dawn bakah, thingtlang lamah service ṭha zawka kalpui theih a ni dawn tih a sawi.

Sorkarin bawnghnute siam chhuah tipung tura hma a laknate sawilangin, Devi chuan ran vulhtute chu ran an vulh dan tichangtlung zel turin a chah a, an mamawhna zawnah sorkarin a pui zel dawn a ni, a ti. Fisheries sector chungchang sawilangin, Devi chuan hamṭhatna dawng tur list siam a nih tawh thu leh, sanga chi leh sangha chaw pek an ni dawn tih a sawi bawk.