Tripura: Food minister-in SDM-te nen food security awareness drive thlirlet

Tripura Food, Civil Supplies and Consumer Affairs minister, Sushanta Chowdhury hoin September 28 khan district pariat a Sub-Divisional Magistrate (SDM)-te nen virtual preparatory meeting an nei a, food security scheme chungchanga field-level awareness programme neih tura inbuatsaihnate thlirlet a ni.

Meeting-ah hian National Food Security Act (NFSA) hnuaia hamṭhatna dawng tura thlan, a bikin Pradhan Mantri Garib Kalyan Anna Yojana (PMGKAY), Targeted Public Distribution System (TPDS) leh One Nation One Ration Card (ONORC) scheme hnuaia hamṭhatna dawngtute zingah awareness tihchak dan tur chungchangte ngaihtuah ho a ni bawk.

Video conference hmanga meeting neihah hian, Chowdhury chuan hamṭhatna dawngtute chu food security programme hrang hrang hnuaia facility awmte hriattir an nih theih nan, a bulṭhut aṭangin awareness activity buatsaih dan tura ruahmanna awmte a sawilang. Minister chuan official-te hnenah thupek tichhuakin, state puma hamṭhatna dawngtute hnena campaign a thlen theih nan lungrual taka hma lak a ṭul thu a sawi bawk a ni. Hei bakah department kaihhnawih leh official-te chu awareness programme hlawhtling taka kalpui a nih theihna turin thawh hona ṭha neih a phut.