Arunachal: Indo-Myanmar ramriah Assam Rifle patrol team-ten beih tawk

Arunachal Pradesh-a Changlang district-a India-Myanmar ramriah nimin, September 29 Thawhlehni zing khan Assam Rifles patrol team-te chuan beih an tawk a, he thil thleng vang hian sipai pakhat a thi tih official-te chuan an sawi. He thil hi zing dar 6:30 vela thleng niin, Assam Rifle sipaiten India leh Myanmar ramri daidan hna an thawh mekna hmuna patrol an neih laia thleng a ni.