Meghalaya: Mipat hmeichhiatna lamhawia diriamte complaint ngaihtuahtu tur din

Meghalaya-a East Khasi Hills district administration chuan, Sexual Harassment of Women at Workplace (Prevention, Prohibition and Redressal) Act, 2013 hnuaiah Local Committee a din thar leh a, Internal Committee din a nih lohna hmuna hmeichhe hnathawk, mipat hmeichhiatna lamhawia diriam tawkten complaint an theh luh buaipui tura tih an ni.

Committee hi East Khasi Hills Deputy Commissioner thupek tihchhuah hmanga din a ni. Local Committee hian hnathawk 10 aia tlem awmna hmun aṭanga complaint awmte a buaipui ṭhin ang.

Additional deputy commissioner D. Kharshiing chu he committee chairperson atan ruat niin, Shillong Municipal Board-a law officer, Ebhahmiki War Payntein chu committee member zingah ruat a ni bawk. Committee-ah hian Grassroot Shillong-Nongkseh Kyñton president Mayfereen Ryntathiang, Shramakami NGO dintu leh chairperson Rebina Shuba-te chu member atan ruat an ni bawk. Nodal officer atan block development officer 11 a ruat bawk a, hengte hian block hrang hrang Mylliem, Mawphlang, Mawsynram, Mawynrew, Mawynrew, Pynursla, Shella-Bholaganj, Khatarshnong Laitkroh, Sohiong, Mawpat leh Mawlai-te a huam. Chairperson leh member dangte chuan ruat an nih aṭanga kum thum chhung an hna hi an chelh dawn a ni.