Meghalaya : Ni 2 chhungin bomb hmanga inbeihna ṭum 4 thleng

Meghalaya khawpui, Shillong-ah ni hnih chhungin sorkar building leh police hmunte bomb hmanga beihna ṭum li a thleng a, hei vang hian venhimna lam pawh khauh zawka kalpui nghal a ni.

Official-te chuan Nilaini tlai lam leh Ningani chawhma inkar khan sorkar hmunhmate hi beih an ni a, mihring thi leh hliam erawh an awm lo. Pawikhawihtute leh an thil tih chhan hi hriat a la ni lo tih official-te chuan an sawi.

Pawikhawihna thleng hnuhnung berah, Laitumkrah-a Directorate of Health Services (DHS) campus chu petrol bomb beih a ni a, kangmei a chhuah phah a ni. Mahse, kangṭhelhtute rang taka thlengin an ṭhelh mit a ni. Hemi lai vek hian Nongmynsong-a police booth mi tu tih hriat lohten beiin a kang bawk.

Nilaini zan khan Lumdiengjri Police Station chu petrol bomb-a beih a ni a, officer-in-charge room hma lam a tichhia. Hemi hma hian Risa Colony-a Directorate of Mineral Resources (DMR) office chu petrol bomh hmanga beih ni bawk a, motor pakaht a chhia a, kangmei a chhuak bawk a ni.

Polic-te chuan pawikhawihna thleng hi uluk taka an chhui mek thu leh, pawikhawihtute pawh an chhuah thuai an nih tur thuan sawi.