Nagaland: Zu chhia in vang nia rinhlelhah ni 2 chhungin mi 9 an thi

Nagaland-a Tuensang district-ah September 10 leh 11 chhung khan mi 9 an thi a, police-te chuan he thihna hi zu chhia in vang nia an rinhlelh thu an sawi. He thihna hi Tuensang khua leh Chendang Saddle khua aṭanga report a ni. Police-te chuan he thihna hi zu chhia in vang a nih leh nih loh finfiah a la ni lo tih an sawi.

Police-te chuan he thihna thleng thubuai eng emaw zat evidence an neih tawh thu leh, scientific leh forensic procedure kalpui mek a ni a, post-mortem exam pawh zawh fel a ni tawh a, case ṭhenkhat chu la tihkhawtlai niin, mitthite ruang hi chipchiar zawka endik tur lak a ni tawh bawk. Chhuizuina an neih aṭanga a lan danin, mitthi tam zawk hian zu an in hnuah an khaw hmuh a fiah a, lu na leh luakin a tlakbuak nia sawi a ni. Mitthi zinga pakhat hi inkhaia hmuh a ni a, police-ten an chhuizui mek bawk.

Zu chhia nia rinhlelh in zingah hian chhungkaw member pathum an thi bawk a, police-te chuan zu hi mitthi zinga pakhat lei niin an sawi. He thihna thleng hi report a nih hnuah, Tuensang Police-te chuan Tuensang khaw chhung leh Chendang Saddle huam chhung an dap nghal a, officer-te chuan hmun hrang hrangah phalna nei lo leh, zu chhia nia rinhlelhte an hmuchhuak a ni. Beihpui thlaknaah hian Indian-made foreign liquor (IMFL) bottle 470 leh beer can-te an hmuchhuak a ni.