Assam: Health Minister-in Bengaluru hospital tlawh

Assam health minister Ashok Singhal chuan September 12 khan, Bengaluru-a Narayana Health City tlawhin, state aṭanga inenkawlna dawng mekte dinhmun a endik a, lung thlak (heart transplant) damlo a tlawh nghal bawk. Minister hi National Health Mission director Abhijit Sharma chuan a ṭawiawm a ni.

Minister Singhal hian Assam aṭanga he damdawi-ina Zirtawpnia thin thlak Rehan Ahmed, Assam sorkar healthcare hmalakna hmanga Bengaluru hospital-a enkawl mek chu a tlawh a ni. Minister hian Rehan leh a chhungte chu inbiakna neihpuiin, a dinhmun leh enkawlna a dawn zuidan turte an sawi ho. Assam sorkar hian state mipui, inenkawlna dawng tura state pawn pantuten enkawlna ṭha an dawn theihna turin nasa takin hma a la mek bawk.

Singhal hian Assam khua leh tui damlo dang eng emaw zat leh an chhungte a hmu bawk a, inenkawlna an dawn dan leh damdawi-in aṭanga service pek an nih dan an hmuhdante a zawt bawk. Minister hian Bone Marrow Transplant Unit a tlawh bawk a, Assam aṭanga damlo enkawl mekte nen inbiakna an nei bawk. Minister hian damdawi-ina doctor leh healthcare professional-te nen Assam aṭanga refer-te enkawl dan tur leh, natna khirh tak nei enkawl kawnga harsatna an tawhte a sawipui.

He hunah hian Singhal chuan Narayana Health dintu leh chairman, Devi Prasad Shetty a hmu bawk a, Assam mi damlote enkawlna tihchangtlung dan tur an sawidun a ni. Assam sorkar chuan healthcare hmalakna hrang hrang hmangin state pawn medical institution-a enkawl mamawh damlote a pui ṭhin a ni.