Sikkim: CM-in Guwahati-a Sikkim Guest House hawng

Sikkim chief minister Prem Singh Tamang chuan September 9 khan, Guwahati-a Panjabari-a Sikkim Guest House thuam ṭhat leh tihzauh a hawng a, Rs vbc 8 vel sengin guest house hi tihchangtlun a ni.

Guest House thuam ṭhatah hian room 20 a awm tawh a, VIP suite pahnih a awm bawk. Hei bakah quarter block chhawng nga awmin, bungraw changkang zawk nena thuam a ni. Guest House hi Sikkim sorkar official, zirlai, damlo awmpuitute leh zirna bakah, hna pawimawh, damdawi lama inenkawl turte leh mimal thila Guwahati tlawhtuten an chhawr ṭangkai thei dawn a ni.

Hawnna inkhawma thu a sawiah, CM Tamang chuan facility siamṭhat chu state mipuite tan a nih thu leh, official-te leh tlawhtute chu bungruate dimdawi turin a ngen. Guest House-ah hian Sikkim ei leh in diktak chhawp chhuah a ngaih pawimawh thu a sawi a, hei hian state mipui Assam tlawhtute tan thlenna nuam a siam lehzual dawn tih a sawi. CM chuan original Sikkim Guest House hi kum 2004 aṭanga 2009 inkara sak a nih thu leh, kum 2011-ah hawn a nih thu a sawi. Kum 2019-a Chief Minister a nih hnuah guest house-a awmna tur mamawhna a sang chho hle tih sawiin, hei vang hian state sorkar chuan tihzauh leh thawm ṭhat hna a thawk a ni, a ti.