Arunachal: Assembly-in special session-ah bill 3 pass

Arunachal Pradesh Legislative Assembly special session neih ni hmasa berah, sumdawnna huang tihhmasawn, mipui himna thuam chak leh state puma hmasawnna ruahmanna felfai tak kalpui a nih theihna tur bill pathum pass a ni.

State chhunga MSME din leh kalpui dan tihchakna turin Arunachal Pradesh Micro, Small and Medium Enterprises (Facilitation, Establishment and Operation) Ordinance, 2026 pass a ni bawk. He hmalakna hmang hian small and medium enterprise-te tan hamṭhatna ṭha zawk siamin entrepreneurship, investment leh hnathawh tur tihpun tum a ni.

Assembly chuan Arunachal Pradesh Fires and Emergency Services (Amendment) Bill, 2026 a pass bawk a, he hi state-in kangmei laka invenhimna leh rikrum thila hmalakna atana ruahmanna awmsa tihchak tum a ni. He dan siamṭhat hian state pumah kangmei leh chhiatna thleng dangte laka inbuatsaihna leh chhan chhuahna kalpui dan a tihchak beisei a ni bawk.

Arunachal Pradesh Airport Area Development Authority Bill, 2026 pawh pass a ni a, airport chhehvel hmun hrang hrang hmasawnna tur leh ngelnghet zawka kalpuina tur ruahmanna siam a ni. He dan siam hian hun lo awm tur atan hmasawnna a thlen rualin, airport chhehvelah hmasawnna mumal tak kalpui tum a ni.