Nagaland University-in AI awareness programme buatsaih

Nagaland University-a Medziphema Campus-ah School of Agricultural Sciences (SAS) chuan August 22 khan ICAR Tribal Sub Plan (TSP) hnuaiah, 'Artificial Intelligence and the Future Agricultural Careers' tih thupui hmangin awareness programme an hmang. He programme hi prof Akali Sema, Dr Mary N Odyuo, Dr Debika Nongmaithem leh Dr Sentirenla Assistant professor bakah Co-PI-ten an kaihruai a ni.

Programme hi Damaso Digital Solutions Pvt. Ltd. buatsaih niin, zirlaite chu loneih lama Artificial Intelligence (AI) hman uar chho zel leh lo neih bakah, technology thlunzawmna hnuaia hnathawh tur pung zel chungchangah zirtirna pek tum an ni. AI chu computer science lamah chauh ni loin, agricultural ecosystem pumah a pawimawh chho zel tih tarlan a ni a, thlai enkawl bakah smart irrigation, drone, lei zirchianna, thlai hralh chhuahna leh supply chain enkawlna thlengin a pawimawh zel tih tarlan a ni bawk.

Session-ah hian AI concept pawimawh tak takte chu zirlaite zirtir an ni a, chung zingah chuan Artificial Intelligence,Machine Learning, Generative AI, Computer Vision, Predictive Analytics, AI Automation leh Agentic AI-te pawh an tel. Programme-ah hian loneih leh technology lama hnathawh theihna hun remchang zirlaite hrilh hriat an ni bawk a ni.