Arunachal : Kum 8 hnuah Kambu lei dawh zawh a la ni lo

Arunachal Pradesh-a West Siang district-a lei dawh project chu kum riat hnuah pawh zawh fel a la ni loa, hunrei tak chhung peih fel a la nih loh avangin tualchhung ṭhalaite chuan nasa takin an sawisel. Km 150-a thui Kambu lei hi Liromoba Assembly biala Kamba Circle-a Siyom lui chungah dawh niin, Central Road and Infrastructure Fund (CRIF) hnuaiah kum 2018 khan Rs vbc 32 sengin dawh ṭan a ni.

All 27th Liromoba Youth Organisation team chuan an president, Banya Yomgam kaihhruaiin tun hnai khan he project hi a hmunah an endik a, project hnathawh sawt lo chu ngaihven a ṭul hle tih an sawi. He lei hi Kambu khua leh Kamba town inkalpawhna tura tih a ni a, hei bakah khaw dang eng emaw zat kalpawh theihna tura duan a ni. Tualchhung mite chuan hun rei tak aṭang khan he project an hman ṭangkai theih hun tur an nghak tawh tih an sawi bawk.

Project hnathawh an endik hnuah, Yomgam chuan contractor leh Public Works Department (PWD) thuneitute chu lei dawh mek thlithlai tur leh a rang lama thawk zo turin a ngen a ni. Kum 2019 khan lei dawhna tur lungphum pawh phum niin, tun thlengin zawh fel a la ni lo a ni. He project hi PWD-a Yomcha division chuan an thawk a ni.