Assam : CM-in PM Modi hmu

Assam chief minister Himanta Biswa Sarma chuan nimin, August 20 khan New Delhi-ah prime minister Narendra Modi hmuin, state-a tuilian thleng avanga hmalakna kalpui dan, khawsak phung leh eizawnna siamṭhatna tur leh, tuilianin chenna a tihchhiatte sak ṭhatna lehna tura sorkarin a ngaih pawimawh hmasakte a sawipui a ni.

CM Sarma chuan Modi-a hnenah hian tuilianin a tihchhiat chenna inte sak ṭhat lehna tur, eizawnna siamṭhatna tur leh tuilian avanga sttae-in harsatna hrang hrang a tawh mek sukiang tura hmalaknate a hrilh a ni. Tuilian vanga chhiatna leh harsatna thlengte tihziaawm kawnga sorkar laipuiin puihbawmna a pek avangin Prime Minister hnenah hian lawmthu a sawi bawk a, Modi-a chuan an dinhmun a thlithlai reng thu leh, state sorkar nen inbiakna an neih chhunzawm zel tih a sawi.

Chief Minister chuan a kaihhruai sorkarin ni 100 chhunga hma a lakna pawimawhte PM Modi hi a hriattir bawk a ni. Sarma chuan Prime Minister-in state dinhmun siamṭhatna tura hmalaknate sorkar laipuiin a thlawp thu a sawi a, kaihhruaina a pek chhunzawm zel avangin lawmthu a hrilh bawk. Meeting hi kumina tuilianin state chhung hmun eng emaw zata chhiatna nasa tak a thlen hnua chhawmdawl leh puihbawmna kalpui mek laia neih a ni.