Sikkim : Khualzin tan AI hmang Online Permit System kalpui dawn

Sikkim chief minister Prem Singh Tamang chuan Thawhlehni khan Manan Kendra-ah Sikkim INSPIRES hnuaia Integrated Online Permit System siam tum chungchangah stakeholders’ consultative meeting a kaihruai a, tourist permit pek chhuah chu langtlang, rintlak leh technology changkang zawk hmanga kalpui a tum a ni.

Chief Minister chuan AI-based system chuan awlsam zawkin permit pek chhuah kawngah a pui dawn a, paperwork leh ṭul loa veivah ngaihna a tihtlem dawn bakah, tourism sector-ah langtlang taka hnathawhna lamah hmasawnna a thlen dawn tih a sawi. Revenue lamah sum lakluh a pun chuan hmasawnna programme hrang hrang atan mipuite hamṭhatna a thlen dawn tih a sawi.

He system hian state-a registered tour operator-te a thuam chak dawn a, permit pek chhuah phalna nei local operator kaltlang chauha pek chhuah a ni ang. CM Tamang chuan he system siamtu leh enkawltu agency chu service provider angin hna an thawk dawn tih sawiin, state sorkar leh a kaihhnawih department-te chu a neitu leh enkawltu an ni dawn tih a sawi a ni. Tourism and Civil Aviation Minister chuan online permit system hman a pawimawh thu leh, hun rei tak chhung tourism stakeholder-te thil phut tihhlawhtlinna a ni, a ti.