Karnataka-a Meghalaya mi bo zawng hmu

Meghalaya-a West Jaintia Hills district-a cheng mi pakhat, Karnataka-a hnathawk tura kal a awm chin hriat loha bo chu zawn hmuh niin, Thawhṭanni khan a chhungte nen him takin an inhmu leh tih official-ten an sawi. Mibo zawn hmuh Kwis Sumer hi Karnataka-ah hian hnathawh tur zawngin a kal a, July 15 aṭang khan a awmna chin hriat a ni ta lo a ni.

He thil hi July 27-a memorandum thehluh hmangin Meghalaya sorkar hriattir a ni a, hemi hnuah chief minister Conrad K Sangma chuan Karnataka sorkar nen inbiakna neiin, state pahniha police ṭangkawp chuan zawn hna hi an thawk a ni. IPS officer Lovish Garg kaihhruai Meghalaya Police team chuan Sumer-a aiawhte nen Bengaluru an pan a, Karnataka Police official senior-te nen mibo zawn hna an kalpui a ni. Sumer-a awmna hriat tum hian an hmanrua ṭha ber ber an hmang bawk.

Sumer hian Karnataka-a cham chhunga chenna petu Kavi Kumar puihnain social media kaltlangin a chhungte a biakna kaltlangin a awmna hi an hriat theih phah a, Tumakuru district-a Tiptur khuaah him taka hmuh a ni. Chief Minister chuan mibo zawn kawnga police-te inpekna leh thawhrimna chu fakin, Bangalore leh Meghalaya police-ten Sumer chu a chhungte hnena him taka a kir theihna tura theihtawp an chhuah avangin lawmthu a sawi.