Meghalaya : Navi Mumbai-ah state house sak hna ṭan

Meghalaya sorkar chuan Navi Mumbai-a Kharghar-ah state house thar sak hna a thawk ṭan a, hei hi state aṭanga healthcare, zirna, sumdawnna leh thil danga Mumbai tlawhtute an pung zel avanga mipuite tana hmalakna a ni. State house sakna tur lungphum hi chief minister Conrad K. Sangma leh, Maharastra chief minister Devendra Fadnavis-ten an phum a ni.

Meghalaya House sakna tur hian Maharashtra-a City and Industrial Development Corporation (CIDCO) chuan ram square metre 2,071.67 a pe. He facility thar hian Mumbaia-a kum 2008-a sak, room 12 awmna Meghalaya House awm sa indaih lohna a sukiang dawn a ni. Facility mamawhna a pung chho zel a, a bikin Tata Memorial Hospital-a inenkawl tura Mumbai-a zin damlo leh anmahni hruaitute tan thlenna hmun tur mamawhna a zual hle a ni. Zirlai, sorkar official, entrepreneur, infiammite leh Meghalaya aṭanga zin veivakte te pawhin an hmang ṭangkai hle a ni.

Lungphum phum programme-a thu a sawiah, Sangma chuan project hlawhtlin theihna chu Maharashtra sorkar, CIDCO leh tualchhung aiawhte an nih thu a sawi. Mumbai-a facility sakna tur ram pek an ni chu thil ropui tak a nih thu a sawi bawk. Meghalaya tan suangtuahna thleng dik a nih thu leh, project thawh a nih theihna tura puitu Maharashtra sorkar chungah lawmthu a sawi. Maharashtra CM Fadnavis pawhin Meghalaya House sak thar chuan Maharashtra leh Meghalaya inzawmna a tichak dawn tih sawiin, Mumbai leh Pune chu hmarchhak biala zirlai, artist-te leh professional-ten an pan nasat thu a sawi bawk.