Manipur : CM leh ITBP Inspector General inbia

Manipur chief minister Yumnam Khemchand Singh leh Indo-Tibetan Border Police (ITBP) inspector general Clay Khingsai-te chuan nimin, August 5 khan meeting neiin, venhimna dinhmun, dan leh thupek kenkawh bakah civic action programme-te an sawi dun. Meeting hi state khawpui Imphal-a state secretariat-ah neih a ni.

Chief Minister chuan a social media-a thuchhuah a siamah, meeting-ah hian venhimna dinhmun, dan leh thupek kenkawh bakah state-a civil-military civic action kaihhnawihte an sawi dun tih a tarlang. CM Singh chuan vantlang himna tura ITPB-te hnathawh leh inpekna chu fakin, Civic Action Programme an kalpui avangin lawmthu a sawi a, welfare leh hriselna lama hmalakna nasa tak an kalpui avangin tualchhung mipuiten an ring tawk tih a sawi.

CM chuan state sorkarin remna leh muanna bakah, mipui hamṭhatna ngelnghet a awm theihna turin security agency-te nen thawh hona ṭha tak neih chhunzawm zel an tum thu a sawi bawk. Clay Khongsai hi Manipur-a IPS officer 1996-batch a mi a ni a, state-ah hian Police Additional Director General hna lo chelh tawhin, August 2023 khan Union Ministry of Home Affairs chuan ITBP-a Inspector General atan hian a ruat a ni.