Nagaland : Cocaine network-a inhnamhnawih mi 5 man

Nagaland police-te chuan inter-state narcotics network-a inhnamhnawh mi panga an man. Heng mite hi commercial courier leh parcel delivery service hmanga cocaine tawlhruknaa inhnamhnawihte an ni. Narcotic Drugs and Psychotropic Substances (NDPS) Act, 1985 hnuaiah Dimapur-a West Police Station-ah thubuai ziah luh a ni.

Official thuchhuah chuan, chhuizuina an neih hmangin network hi supplier, handler leh delivery agent-te hmanga kalpui a ni tih tarlan a ni a; ruihhlo zawrh chhuah, sum inpek dan, inter-state transportation, courier delivery leh tualchhunga ruihhlo zawrh chhuahte pawh a huam a ni. Police-te chuan Nagaland pawn lama tlanchhiate man tumin chhuizuina neih mek a ni tih an sawi.

Chhuizuina neitute chuan he network-ah hian inter-state leh international link nia rinhlelh an hmuchhuak bawk a, Nigeria mi pakhat a inhnamhnawih nia sawi a ni. Police-te chuan ruihhlo tawlhruknaa an thawhpui dangte zawn chhuah a, sum an inthawn dante leh customer network kimchang hriatchian an tum tih an tarlang. Chhuizuina an neih chhung hian cocaine nia rinhlelh gram 33 man a ni a, forensic exam tura thawn a ni bawk.