Manipur : CM-in Andro infrastructure project hawng

Manipur chief minister Yumnam Khemchand Singh chuan July 27 khan Imphal East district-a Andro khua a tlawh a, Ima Market sak thar leh Thoubal lui chunga lei dawh pahnih a hawng.

Lei pahnihte hi Kungdongbam Mapa leh Wangkhem Siphai Leikai-ah dawh an ni a, inkalpawhna ṭha leh tualchhung sumdawnna tihchakna tura ruahman a ni. Hawnna inkhawmah hian Andro MLA Thounaojam Shyamkumar pawh a tel.

Chief Minister chuan inter-village kawng siamṭhatna atan Rs vbc 10 sanction a nih thu a puang a, Adro bial tan Municipal Council office sak a ni dawn tih a sawi bawk. Tualchhunga pawl ṭhenkhatte chuan infrastructure tam zawk din tura an ngenna an thlen bawk.

CM chuan Andro bial chu state-a hmun pawimawh tak a nih thu leh, research nei khualzinten an tlawh nasat ber hmun a ni tih a sawi. Market hawn thar chu economy ṭhanlenna atana pawimawh a nih thu leh, sumdawnna thuam chakna tur a ni, a ti.

An state-a hun rei tak tualchhung buaian thleng chungchang pawh sawi langin, CM chuan buaina hian hmasawnna hnathawh ṭhenkhat pawh a tihtawp phah a ni tiin, economy leh tualchhung zirna a nghawng nasa hle tih a sawi. Hmasawnna awm tur chuan remna leh muanna a pawimawh thu a sawi.